Şam – SANA
Şirketa Sûrî ya Petrolê, di çarçoveya cîbicîkirina biryara Wezareta Enerjîyê de, di çareserkirina rewşa karmendên ku ji alîyê rejîma berê ve ji ber şoreşê ji kar hatine dûrxistin berdewam e. Her wiha kesên ku rêkarên vegerê temam kirine wan vedigerîne ser kar, bi awayekî ku dadwerîyê ji wan re misoger bike û mafên wan biparêze.
Şirketê bi rêya kenala xwe ya Telegramê, îro Duşemê, dîyar kir ku hejmara giştî ya daxwaznameyên hatine pêşkêşkirin, gihîştiye 4212 daxwaznameyan, ji wan 1604 daxwaz di pêvajoya çareserkirinê de ne, û karûbarê vegera 1372 kesan bo ser kar hat temamkirin.
Șirketê dîyar kir ku hejmara daxwaznameyên di pêvajoya temamkirina peymanê de gihîştiye 793 daxwazan, û hejmara daxwaznameyên sazkirina mafan ji ber temenê qanûnî bû 258.
