Şam-SANA
Komara Erebî ya Sûrîyê, piştrast kir ku ew ê hevkarîya xwe ya zelal û nêzîk ji alîyekî ve ligel Ajansa Navneteweyî ya Enerjîya Atomî û ji alîyekî din ve ligel Dewletên Yekbûyî û welatên dost berdewam dike, ji bo çareserkirina mîrasa rejîma têkçûyî, çalakkirina endamtîya tevahî ya Sûrîyê di ajansê de, û piştgirîkirina wê di warên bikaranîna aştîyane ya enerjîya nukleerî de mîna tenduristî, xurek û lêkolîna zanistî.
Desteya Enerjîya Atomî ya Sûrîyê di daxuyanîyekê de li ser kanala xwe ya Telegramê, duh Duşemê dîyar kir ku ew ji destpêka rizgarkirina welat ve, bi piştgirêdana bi derfetên xwe yên niştimanî yên xweser, pêşketineke berbiçav bi dest xistiye.
Her wiha bal kişand ser wê yekê ku di rojên bê de ew dê pêşwazîya şanda Ajansa Navneteweyî ya Enerjîya Atomî bike, ku tê de dê bi awayekî hevbeş pêşketina mezin a ku Sûrîye di vî warî de bi dest dixe, bê ragihandin.
