Şam – SANA
Wezareta Rewşên Awarte û Birêvebirina Karesatan, ragihand ku wê asta amadebaşîya tîmên xwe li parêzgehên Sûrîyê bilind kiriye û plana amadekarîya pêşwext çalak kiriye, ji bo rûbirûbûna metirsîyên derketina şewatan, bi taybetî li herêmên daristanî, û zêdebûna îhtîmala rûdanên xeniqînê di encama bilindbûna pêla germê de.
Serokê Beşê Operasyonên Meydanî di wezaretê de, Yûsif Izzo, tekez kir ku ji bo misogerkirina leza bersivdanê, 50 xalên pêşketî li nav daristanan hatine bicîkirin, belavbûna navendên meydanî hatiye xurtkirin, û karê hişyarkirin û şopandin û çavdêrîya rêyan û deverên hebûna avê ên heye ku ji bo avjenîyê bên bikaranîn hatiye zêdekirin. Her weha zelal kir ku bilindbûna pileya germê û xurtbûna ba, zehmetîya vemirandina agir zêde dikin, bi taybetî li daristanên beravên Sûrîyê.
Izzo destnîşan kir ku tîmên Parastina Sivîl di du rojên borî de bersiv dane 186 şewatan li parêzgehên cuda cuda, ku şewatên daristan, gîya û berhemên çandinîyê bûn; wî bal kişand ser wê yekê ku çûna welatîyan bo beravan metirsîya bûyerên xeniqînê bilind dike.
Serokê Operasyonan bang li welatîyan kir ku pabendîyê bi rênimayên parastinê bikin; wekî nemana li bin tîrêjên rojê di demjimêrên zêdebûna germê de, vexwarina avê, pênexistina agir an navêtina binikên çixareyan li herêmên daristanî û çandinîyê, û ketina avê û xwesobakirin tenê li cihên taybet ên avjenîyê be, ji bo parastina gîyan û mal û milkikan û kêmkirina bandora şewatê û rûdanên girêdayî pêla germê.
