Parêzgehên Sûrîyê- SANA
Di encama bûyerên trafîkê û şewatan de, di nava 24 saetên borî de, kesekî jîyana xwe ji dest da û 17 kesên din birîndar bûn, ku tîmên Parastina Sivîl yên Wezareta Rewşên Awarte û Birêvebirina Karesatan li parêzgehên cuda cuda yên Sûrîyê, bersiva wan dane.
Parastina Sivîl îro Înê bi rêya kenala xwe ya Telegramê, ragihand ku 13 bûyerên trafîkê rû dane û di encamê de kesekî jîyana xwe ji dest daye û 16 sivîl birîndar bûne; tîmeke Parastina Sivîl alîkarîya pizîşkî ya destpêkî ji wan re pêşkêş kir, piştre ji bo wergirtina dermankirinê ew bo nexweşxaneyan veguhestin, û şûnmayên bûyeran rakirin û cihên wan ewle kirin.
Her wiha tîmên Parastina Sivîl bersiva 115 şewatên ku li mal, dikanên bazirganî, gîya, dar, paşmayên avêtî û têlên elektrîkê rû dabûn, da. Şewat hatin vemirandin û cihên wan hatin sarkirin; di encama wan şewatan de kesekî sivîl birîndar bû û li cihê bûyerê alîkarîya pizîşkî ya destpêkî bo wî hat pêşkêşkirin, û zirarên din tenî madî bûn.
Parastina Sivîl careke din got ku divê agir li navçeyên daristanî û zevîyên çandinîyê neyê pêxistin û binikên çixareyan an şûşeyên camî li kêleka rêyan neyên avêtin û gîyayên hişk ên derdora malan neyên şewitandin û bi rêyên ewle werin rakirin.
