Şam-SANA
Wezareta Navxwe ragihand ku wê derîyê endamtîyê ji bo beşdarbûna di xula perwerdehîyê ya endamên jin de, li gorî taybetmendî û mercên dîyarkirî vekiriye.
Wezaretê dîyar kir ku belgeyên pêwîst ev in: Dosyaya belgeyan (klasor), nasnameya şexsî ligel wêneyekî wê, belgeya qeyda takekesî ya nû, kopîyeke mohrkirî ya asta xwendinê ya dawîn, danezana malbatî, belgeya bexşîna xwînê, kurteya tomara dadwerî (belgeya ne mehkûm e), belgeya destûrê ya ji bo beşdarbûna di pêşbirkê de ji alîyê wezaret yan rêveberîyên ser bi wan ve, eger di yek ji daîreyên dewletê yan sazîyên wê yên giştî de karmend yan karker be, belgeya ku ji alîyê Daîreya Tomara Giştî ya Karkeran ve hatiye derxistin û rewşa berendamê (ku ne karmend e) raber dike, û 4 wêneyên şexsî yên nû bi pîvana 4×4 cm.
Wezaretê mercên endamtîyê wiha dîyar kirin: Divê berendam di navbera 01.06.1994 û 01.06.2006an de ji dayik bûbe, herî kêm xwedîya bawernameya lîseyê be, xwedî reftar û tevgerên baş be, bi tu tawan an sûcên şermezarkirî nehatibe mehkûmkirin, xwedî tenduristîyeke baş û pêkhateya laşî ya saxlem be û ji bo xizmeta ewlehîyê guncaw be, dirêjahîya berendamê ji 160 cm ne kêmtir be, giranîya laş li gorî dirêjahîyê be bi awayekî ku nîşandera qebareya laş (BMI) di navbera 20-30an de be, û berendam bi rengekî serkeftî ezmûn, test û kursên dîyarkirî derbas bike.
Dema vê xulê ji bo xwedîyên bawernameya lîseyê, bawernameya peymangeha navîn û bawernameya zanîngehê 120 roj e, û piştî wê berendam li gorî asta xwe ya zanistî bi vî awayî derdiçe:
- Xwedîyên bawernameya lîseyê bi pileya polîsê rahênan.
- Xwedîyên bawernameya peymangeha navîn bi pileya polîs.
- Xwedîyên bawernameya zanîngehê bi pileya polîsê yekem.
Jin û keçên ku dixwazin serlêdanê bikin, dikarin bi rêya şopandina koda bilez (QR Code) bi rêya lînkên fermî yên Wezareta Navxwe li ser torên civakî, yan jî bi rêya lînka taybet xwe qeyd bikin.
Tomarkirin ji dîroka 03.07.2026an dest pê dike heta 19.07.2026an.
