Şam-SANA
Rêveberîya Têkoşîna li Dijî Terorê karî Qeys Hesan El-Ebd El-Receb bigire, ku cîgirê rêveberê îdareya hewalgirîya giştî (ewlehîya dewletê) bû di serdema rejîma revîyayî de, bi pileya lîwa.
Li gorî daxuyanîya Wezareta Navxwe ku îro Înê li ser kanala xwe ya Telegramê weşandiye, kesê girtî wekî yek ji berpirsên herî berbiçav ên ku destên wan di pêkanîna binpêkirinên giran de li dijî şênîyên taxa Hecer El-Eswed û her du bajarên Dareya û Me’demîyet El-Şamê ligel hejmarek gund û bajarokan li parêzgeha Derayê heye, tê hesibandin.
Wezaretê bal kişand ser wê yekê ku proseya girtina wî piştî şopandineke ewlehîyê ya berdewam li ser tevgerên wî û hewldanên wî yên xwe veşartina ji ber çavan û revîna ji şopandina qanûnî pêk hat. Her wiha dîyar kir ku alîyên peywendîdar lêpirsînan û girtina rêkarên yasayî yên pêwîst derheqê wî de berdewam dikin, wekî amadekarîyekê ji bo radestkirina wî bo dadgeha pispor.
