Şam-SANA
Tîmeke lêkolînê ya pir-pisporî ji çend zanîngehên Sûrîyê, lêkolînek ku li Sûrîyê di celebê xwe de ya yekem e encam da. Ev lêkolîn derbarê pêşxistina yekemîn gera perwerdeyê ya elektronîk (online) de ye, ku bi armanca alîkarîkirina pisporên tenduristîyê hat amadekirin da ku piştgirîya nexweşan bikin di pêvajoya devberdana cixareyê de.
Zanîngeha Virtual a Sûrîyê bi rêya rûpela xwe ya Facebookê îro Çarşemê eşkere kir ku encamên vê lêkolînê di kovara zanistî ya navdewletî “Addiction & Health”ê de hatine weşandin. Ev kovar di rêzbendîya Q2 de ye û xwedî faktora bandorê 1.7 e. Encamên lêkolînê bandorkarîya perwerdeya online di vî warî de piştrast dikin.
Zanîngehê bal kişand ser wê yekê ku mirov dikare bi rêya lînkê lêkolînê bi hûrgilî û bi temamî bixwîne.
