Şam-SANA
Wezareta Enerjîyê spasîya hemû karmendên beş û sazîyên wezaretê kir, ku şev û roj xebatên xwe domandin, û gelek ji wan çend rojên li ser hev li ser kar bûn bêyî bêhnvedan, ji bo rûbirûbûna encamên bilindbûna asta ava çemê Firatê ku bû sedema lehîyê.
Wezaretê di peyameke xwe ya li ser kanala xwe ya Telegramê de îro Şemîyê, spasî û pêzanînên xwe pêşkêşî Rêveberê Giştî yê Şirketa Av û Kanalîzasyonê ya Dêrezorê Ehmed El-Mûsa kir. Ev spasî ji bo dilsozî û hewldanên wî yên awarte di dema rêvebirina encamên bilindbûna asta ava Çemê Firatê de hat kirin.
Wezaretê dîyar kir ku El-Mûsa bi rojan bi berdewamî û di şert û mercên zehmet de şopandina karê meydanî domandiye. Her wiha ji bo ku cihê karê xwe bernede û şopandina karên dabînkirina stasyonên ava vexwarinê û xizmetguzarîyan ji bo xelkê me yê li Dêrezorê berdewam bike, wî di cihê karê xwe de çareserîya bijîşkî wergirtiye.
