Şam – SANA
Di encama 11 bûyerên trafîkê li tevahîya Sûrîyê, di 24 saetên bûrî de, du kes mirin û 15 kes birîndar bûn. Tîmên Parastina Sivîlan a Sûrîyê yên girêdayî Wezareta Rewşên Awarte û Birêvebirina Karesatan, bersiva van bûyeran da û îro yekşemê li ser rûpela xwe ya Telegram ragihand ku tîmên wan pêşîlêgirtinên destpêkê ji 6 birîndaran re pêşkêş kirine û paşê ew veguhestin bo nexweşxaneyan ta werin dermankirin. Birîndarên mayî jî ji alîyê sivîlan ve hatine veguheztin. Her wiha şopên bûyeran hatine paqijkirin û cih hatin ewlekirin.
Tîmên Parastina Sivîlan bang li ajokaran kir ku pêwîst e leza xwe kêm bikin, rewşa teknîkî ya otomobîlê, firêman, û paqijkerên caman kontrol bikin, û xwe ji tevgerên çewt wekî bikaranîna mobîl an ku bala wan tevlihev dike biparêzin. Her wiha tîmên Parastina Sivîl bersiva 21 agirî li tevahîya Sûrîyê da; ji wan 8 li mal û dikanan, û 13 jî li cihên cuda.
Tîmên Parastina Sivîlan dîsan bi bîr xistin ku pêwîst e agir li herêmên daristanî û zevîyên çandinîyê neyê vêxistin û qûnikên çixareyan li wan deveran neyên avêtin.
Berî du rojan jî tîmên Parastina Sivîlan bersiva bûyerine trafîkê û agir li hinek parêzgehan dabûn, ku di encamê de yek kes miribû û 16 kes birîndar bûbûn.
