Şam-SANA
Hejmarek ji welatîyên Kurd ên Sûrîyê ku mersûma hejmar 13 a sala 2026an wan li xwe digire, kêfxweşîya xwe ya mezin bi vê gavê anîn ziman. Wan tekez kir ku ev yek veguherîneke girîng e û piştî salên dûrdirêj ên neheqî û bendewarîyê, hesta wan a girêdan û aramîyê xurt dike.
SANAyê îro Pêncşemê, dîtinên welatîyên Kurd ên ku ji bo wergirtina nasnameya Sûrîyê li avahîya Rêveberîya Giştî ya Karûbarên Sivîl li Şamê serlêdan kiribûn, girtin.
Îbrahîm Îbrahîm, ku wênekêşekî ji bajarê Qamişlo ye, destnîşan kir ku berî derketina mersûmê her çar zarokên wî di berdewamkirina xwendina xwe de bi zehmetîyên mezin re rûbirû diman. Wî dîyar kir ku ev gav rêyeke sereke ye ji bo misogerkirina mafê wan di gihîştina xwendina zanîngehê û jîyaneke birûmet de.
Ji alîyê xwe ve, Mihemed Îsa bal kişand ser aramîya derûnî û civakî ya ku li cem welatîyên Kurd çêbûye piştî ku nezelalîya rewşa wan a yasayî ji holê rabû. Îsa anî ziman ku ev mersûm prensîba welatîbûna wekhev diçespîne û beşdarî xurtkirina yekîtîya niştimanî ya li ser bingeha pirrengî û rêzgirtina dualî dibe.
