Şam-SANA
Yekîtîya Xwendekarên Sûrîyê – Şaxa Şamê, ji bo destpêkirina projeyeke nû ya veguhastina xwendekaran a ne-qezencxwaz di destpêka sala xwendinê ya bê de amadekarîyan dike. Ev proje wekî bersivekê ji bo pêdivîyên zêde yên xwendekaran û bi armanca sivikkirina barê darayî li ser wan tê, ku tê de bihayê veguhastinê bi rêjeya %50 kêm dibe, nemaze ji bo xwendekarên ku li gundewarê Şamê niştecî ne.
Rêveberê Ofîsa Ragihandinê di Yekîtîya Xwendekaran de, Şaxa Zanîngeha Şamê Muaz El-Zûbî, îro Çarşemê di daxuyanîyekê de ji bo SANAyê da zanîn ku ev proje ji alîyê Yekîtîya Xwendekarên Sûrîyê ve bi hevkarîya komeleyeke xêrxwazîyê tê cîbicîkirin û ew projeyeke bi temamî ne-qezencxwaz e. El-Zûbî destnîşan kir ku di mehên borî de plansazî, lêkolîn û dabînkirina piştgiran hatiye kirin û niha derbasî qonaxa cîbicîkirina pratîkî bûye, da ku di destpêka sala xwendinê ya nû de were destpêkirin.
