Şam-SANA
Bi amadebûna Wezîrê Hundir Enes Xetab, wezaretê îro Sêşemê, li navenda wezaretê li Şamê, şahîya mezûnbûna 2000 endamên xwe li dar xist, piştî ku wan bernameyên perwerde û rahênanê yên pispor temam kirin. Her wiha di çarçoveya nasnameya dîtbarî ya nûjen de, cilekî nû yê fermî ji bo endaman hat ragihandin.
Berdevkê Wezareta Hundir Nûredîn El-Baba, di daxuyanîyekê de ji bo SANAyê dîyar kir ku hevdem ligel salvegera Şoreşa Sûrîyê ya Mezin, wezaretê îro 2000 endamên ku çend xulên perwerdeyê temam kirine mezûn kirin, ev yek jî di xurtkirina ewlehîyê de alîkar e.
Hêjayî gotinê ye ku cilê nû hemû yekîneyên derçûyî li xwe digire: Erkên Taybet, Ewlehîya Rêyan, Polîs, Polîsê Trafîkê û Polîsê Geştyarîyê. Ev yek jî pîşeyîbûna endaman û amadebûna wan ji bo pêkanîna erkên xwe bi awayekî serkeftî di parastina ewlehîyê de nîşan dide.
