Şam-SANA
Wezareta Ewqafê dema nimêja Cejna Remezanê ya pîroz a sala 1447an (koçî) dîyar kir. Nimêj dê di roja yekem a meha Şewalê de, saet 07:00ê sibehê li hemû parêzgehan bê kirin. Ji bilî parêzgehên bakurrojhilat (Dêrezor, Reqa, Hesekê), ku wê saet 06:50ê sibehê be.
Rêveberê Karûbarên Mizgeftan li Wezareta Ewqafê Qasim El-Zaterî, di meha Sibata borî de destpêkirina kempeyna “Mala Xwedê mala me ye” ragihandibû. Ev kempîn di çarçoveya plana wezaretê ya ji bo meha Remezana pîroz de ye, bi armanca amadekirina mizgeftan ji bo pêşwazîkirina mêvanên Xwedê di vê demsala pîroz de.
Bi nêzîkbûna dema çavdêrîya hîva meha Şewalê, Sûrîye xwe ji bo pêşwazîkirina Cejna Remezanê amade dike. Ev yek li gorî daxuyanîyên ku wê ji Komîteya Niştimanî ya Çavdêrîya Hîlalê derkevin be; komîteya ku bi mersûma serokatîyê ya hejmar 36 a sala 2026an hatîye avakirin bi armanca yekkirina çavkanîya fermî ji bo dîyarkirina destpêka mehên koçî.
