Şam-SANA
Şêwirmendê Wezîrê Navxwe yê Sûrîyê ji bo Karûbarên Yasayî û Mafên Mirovan Emîd Samir El-Hisên, bi amadebûna Birêvebirê Îdareya Hevkarîya Navdewletî Eqîd Ebdulrehîm Cebare, bi şanda nivîsgeha nûnera taybet a Sekreterê Giştî yê Neteweyên Yekbûyî ya taybet bi zarok û nakokîyên çekdarî re civîya. Şanda navneteweyî bi serokatîya Vanessa Fraizer bû.
Wezareta Navxwe di daxuyanîyekê de îro Yekşemê da zanîn ku her du alîyan di civînê de asoyên hevkarîya stratejîk di navbera wezaret û rêxistinên navdewletî de nirxand, nemaze li ser piştgirîya hewlên niştimanî yên bi armanca xurtkirina pergala mafên zarokan sekinînin.
Wezaretê her wiha anî ziman ku gotûbêjan giranî da ser rêyên pêşxistina performansa sazîyan di çareserkirina dozên girêdayî parastina zarokan ji encamên şeran, bi awayekî ku dabînkirina jîngeheke ewle û aram garantî bike, li gorî pîvanên niştimanî û navdewletî.
