Şam-SANA
Serok Ehmed El-Şeri’ beşdarî civîneke gotûbêjê di çarçoveya çalakîyên roja duyemîn a konferansa Wezareta Ewqafê de bû ku bi sernavê “Yekîtîya Gotara Îslamî” li Koşka Konferansan li Şamê hat lidarxistin.
Girîngtirîn daxuyanîyên Serok El-Şeri’ di vê civînê de ev in:
Serok El-Şeri’: Astengîyên li Sûrîyê gelek in û pir mezin in, ji ber ku gendelîya îdarî û rêxistinî zêdetirî 60 salan e kom bûye, her wiha ji ber qebareya wêranîya mezin di binesazîyê û hemû sektor û warên jîyanê de.
Serok El-Şeri’: Ez bawer dikim ku karê sala borî divê ji alîyê welatîyan ve were nirxandin, ji ber ku welatî bi xwe çavdêrên performansa hikûmeta niha ne. Lê erkê min e ku ez xelkê ji rastîya rewşa Sûrîyê agahdar bikim.
Serok El-Şeri’: Girîng e ku em li gorî planeke rast bixebitin û tê de giranîyê bidin ser tiştên ku mifayê didin xelkê.
Serok El-Şeri’: Di hejmarek wezaretan de gelek çaksazî hatin kirin, her wiha di peywendîyên Sûrîyê yên Erebî û navdewletî de jî. Em hewl didin aborîyeke hevseng û rêçeke geşepêdanê ya dirust ava bikin.
Serok El-Şeri’: Di nava sala borî de bingeheke mezin li Sûrîyê hat avakirin. Em serî li pîvanên zanistî û hûr didin ji bo nirxandina kar, da ku pêngavên me rast bin.
Serok El-Şeri’: Em ne di rewşeke refahê de ne ku em bikevin nav nakokîyên fikrî yên ku temenê wan bi sedsalan e, ji ber ku li Sûrîyê gelek pêşgavîyên me hene, ji wan jî giringîdana rêkûpêkîya rewiştî ya civakî ye.
Serok El-Şeri’: Peymana “Yekîtîya Gotara Îslamî” pêngavek di rîya rast de ye, ji ber ku ew beşdarî hevsengî û yekîtîya gotinê dibe, û rê li ber perçebûna di nakokîyên hûr û hûrgulî de digire.
Serok El-Şeri’: Minber û her cihekî ji bo xîtabkirina raya giştî bi serê xwe emanet e. Peyv di devê xwedîyê xwe de emanet e, û hişên mirovan jî li cem gotarbêjê minberê emanet in.
Serok El-Şeri’: Rola gotarbêjan di mizgeftan de di hişyarkirina xelkê û perwerdekirina nifşê nû de girîng e. Em erkê serkêşîya civakê bi xetîb, dibistan û amûrên ragihandinê re parve dikin.
Serok El-Şeri’: Arastekirina raya giştî û reftarên civakî erkê çendîn sektorên dewletê ye, ji wan perwerde, xwendina bilind û mizgeft. Lewma, divê her sazîyek erkê xwe bi awayekî tevahî bi cih bîne.
Serok El-Şeri’: Hevtemamkirina karê sazîyan di dewletê de mijareke pir girîng e, û divê her sazîyek bi awayekî bingehîn erka xwe bizanibe.
