Şam-SANA
Wezîra Kar û Karûbarên Civakî Hind Qebewat tekez kir ku Sûrîye tenê bi hevgirtina destên hemî şênîyên xwe û bi beşdarîya hemî pêkhateyên xwe bêyî cudahî dikemile û amaje pê kir ku dewlet ji bo pêşkêşkirina piştgirîyê ji hemî Sûrîyan re bêyî cudahî kar dike.
Qebewat di daxuyanîyekê de ku îro kanala wezaretê li ser Telegramê weşand, zelal kir ku hikûmeta Sûrîyê bi sazîyên xwe yên cihêreng, dest bi tespîtkirina pêdivîyên şênîyan li bakurrojhilatê Sûrîyê kirîye, û dewlet ji bo pêşkêşkirina piştgirî û xizmetguzarîyan ji hemî Sûrîyan re bêyî cudahî kar dike.
Qebewat piştrast kir ku welatîyên Sûrîyê yên Kurd beşekî resen in ji tevna niştimanî ya Sûrîyê, û dîyar kir ku mersûma hejmar 13 ya sala 2026an hemwelatîbûna bêkêmasî ji wan re garantî dike, û tekezîyê li ser pabendbûna dewletê dike ku li hember zilm û dûrxistinê bisekine û dewleteke li ser bingeha dadmendî û wekhevîyê ava bike.
