Şam-SANA
Wezîrê Rewşên Awarte û Birêvebirina Karesatan Raid El-Salih tekez kir ku Ewlehîyawelatîyan di her şert û mercî de dê di serê lîseta karê wezaretê de bimîne.
Wezîr El-Salih di daxuyanîyekê de îro Duşemê got: Tîmên Bergirîya Sivîl bi lez bersiv dan lehîya Çemê Mezin ê Başûr (El-Nehr El-Kebîr El-Cenûbî) li gundewarê Himsê ku ji ber barana zêde rabûbû, û karîn 12 sivîlan rizgar bikin, ku di nav wan de zarok, jin û kal û pîr hebûn, û ew veguhastin cihên ewle bêyî ku tu kes birîndar bikeve.
El-Salih zêde kir: Tîmên Bergirîya Sivîl niha xebatên xwe ji bo derxistina sewalan û valakirina ava kombûyî berdewam dikin, ev yek di çarçoveya amadebaşîya herdemî û bersivdana bilez de tê, ku armanc jê parastina can û kêmkirina bandora rewşên awarte ye.
Tîmên Bergirîya Sivîl a Sûrî karîbûn niştecîhên du malan derxin ku avê dorpêç kiribûn piştî lehîya Çemê Mezin ê Başûr li gundê Um Cami’ li devera Tilkelexê li gundewarê rojavayê Himsê, ku bû sedema hilweşîna pireyekê li ser rêrewa çem.
