Şam – SANA
Şêx Ebdulfetah El-Bezim, endamê Encumena Bilind a Fetwayan û Miftîyê Şamê, got ku ew pê ne agahdar e û ne jî beşdar bûye di daxuyanîyên ku dixwazin xelk beşdar nebin di çalakî û ahengên bîranîna şerê “Pêşîlêgirtina Dijminkarîya” de.
Di daxuyanîyekê de ji bo SANAyê, îro, Şêx El-Bezim got: “Min daxuyanîyek dît ku ji hêla sazîyekê ve derketibû, dibêje ku ew nûnerîtîya zanyarên olî yên Sûrîyê dike, navê min jî di wê daxuyanîyê de nivîsandine, tê de li dijî banga Rêvebirîya Ewqafê, ya daxwaza derketina xwepêşandanan piştî nimêja înê di 28ê vê heyvê de dike, derketine.ʺ
Şêx El-Bezim wiha berdewam kir: “Ez dixwazim tekez bikim ku ez ji vê daxuyanîyê ne agahdar im, û ne jî tê de beşdar bûme, berevajî tiştê ku ew îdîa dikin, ez bang li gelê me yê Sûrî yê hêja dikim ku yekdest bin û şîyanên welatê xwe bikin yek, aştîya navxweyî biparêzin.ʺ
Her wiha hêvîya serkeftina berdewam li dijî stemkaran anî ziman, û pîrozbahî da tevaya gelê Sûrîyê di van rojên pîroz de.
Tê zanîn ku duh parêzgehên Sûrîyê bi helkefta salvegera destpêkirina şerê rizgarkirinê yê ʺPêşîlêgirtina Dijminkarîyêʺ şahî li dar xistin, tê de tekezî li ser yekîtîya niştimanî kirin û perçekirin û dijminkarîyên Îsraîlê red kirin.
