Şam-SANA
Desteya Niştimanî ya Kesên Winda li Sûrîyeyê derbarê belavbûna belgeyên nefermî û nehûrbîn hişyarî da, ku li ser malperên elektronîk û rûpelên nenas tên belavkirin, û îdia dikin ku agahîyan derbarê mirina çend kesên winda yên Sûrîyeyê di destê wan de hene.
Desteyê li ser hesabê xwe yê Telegramê dîyar kir ku wê di hefteyên borî de nûçe û belge şopandine û derketiye holê ku hinek ji wan sexte û ne rast in, di heman demê de hinekên din daneyên rastîn li xwe digirin lê bêyî pejirandina malbatan hatine weşandin.
Desteyê tekez kir ku ev kiryar binpêkirina mafên malbatan û taybetmendîya wan e, û destdirêjîyeke li ser dosyayeke niştimanî ya hestyar e. Her wiha tekez kir ku ew dê bi hemahengî ligel wezaretên Karên Hundir û Dadê, malperên binpêker ji alîyê qanûnî ve bişopîne.
Bi armanca piştevanîya proseya niştimanî ji bo zelalkirina çarenivîs û cihê hemû kesên winda û bêserûşûn li Sûrîyeyê, Desteya Niştimanî ya Kesên Winda di 5ê vê mehê de danezaneke hevbeş a prensîbên hevkarîyê ligel Komîteya Navneteweyî ya Karûbarên Kesên Winda (ICMP), Komîteya Navneteweyî ya Xaça Sor (ICRC) û Sazîya Navneteweyî ya Serbixwe ya Kesên Winda (IIMP) îmze kiribû.
