Şam-SANA
Rêveberê Rêveberîya Konsulgerîyê li Wezareta Derve û Koçberan, Mihemed El-Omer, tekez kir ku wezaret bi gavên tekûz ji bo pêşxistin û berfirehkirina karê konsulgerî, li gorî arasteyên dewletê yên veguherîna dîjîtal û bilindkirina kalîteya xizmetên giştî, li tevahîya parêzgehên Sûrîyê dixebite.
El-Omer ji SANAyê re ragihand ku wezaretê li Helebê, ji bo hêsankirina kar û pêşkêşkirina xizmeteke zûtir û dirusttitr, dest bi çalakkirina xizmeta belgandina bi stîkera elektronîkî kiriye.
El-Omer got: “Em stîkera elektronî nûjen dikin da ku bi nasnameya dîtbarî ya nû ya dewleta Sûrîyê re li hev bike û taybetmendîyên ewlehîyê yên bilind lê zêde dikin da ku sextekirina wê ne pêkan be.”
Ofîsên Konsulgerî li Idlib û Dêrezorê
Wezaret amadekarîyê dike ji bo vekirina ofîsên konsulgerîyê yên nû li Idlib û Dêrezorê, ku ev yekem car e, bi armanca nêzîkirina xizmetguzarîyê ji welatîyan re.
Xizmetên Dîjîtal û Kadroyên Perwerdekirî
El-Omer amaje bi wê yekê kir ku 29 perwerdekar perwerdehîya karê konsulgerîyê bi dawî kirine û li parêzgehan hatine belavkirin. Her wiha, pencereyên xizmetguzarîyê hatine berfirehkirin ji bo kêmkirina qerebalixê û zûbicihanîna karûbaran, ku ev yek rasterast bandorê li ser rihetî û karîgerîya kar dike.
Destpêkirina Beşa Taybet bi Kalîteyê
Rêveberîya Konsulgerîyê beşeke taybet bi kalîteyê vekiriye ku performansa nûneratîyên dîplomatîk û ofîsên konsulxaneyê dişopîne; karûbaran dike yek, gilî û gazinan bi rê ve dibe, û bernameyên perwerdehîyê yên berdewam ji bo bilindkirina asta karmendan pêk tîne.
El-Omer piştrast kir ku karê wezaretê pêngaveke kalîteyî ye ku nûjenkirina teknolojîk, pêşxistina kadroyên mirovî û berfirehbûna erdnîgarî ji bo xizmetkirina welatîyên Sûrîyê li her derê li hev dicivîne.
