Şam-SANA
Komîteya Bilind a Hilbijartinên Encûmena Gel a Sûrîyê, biryara hejmar 68 weşand, ku tê de lîsteyên serrastkirina destpêkê yên endamên desteyên hilbijartinê ji bo her du navçeyên hilbijartinê yên Girê Spî (Til Ebyed) li gundewarê Reqayê û Serê Kanîyê li gundewarê Hesekê hene.
Komîteyê li ser Telegrama xwe amaje bi wê yekê kir ku her kesê xwedî berjewendî dikare di nava sê rojan de ji dîroka 12ê Cotmehê ve li dijî vê biryarê li pêşberî Komîteya îtîrazê ya taybet bi navçeyên Til Ebyed û Serê Kanîyê li navenda dadgeha Til Ebyedê serî li dadgehê bide.
Komîteyê di biryara xwe de dema pêşkêşkirina îtîrazên li dijî biryara hejmar (60) a di 28.09.2025an de derketibû (ku tê de lîsteyên seretayî yên endamên desteyên hilbijartinê yên her du navçeyên Girê Spî û Serê Kanîyê) ji bo dema sê rojan ji roja 12ê Cotmehê ve hate dirêjkirin.
Hilbijartinên Encumena Gel roja Yekşemê 5ê Cotmehê li piranîya parêzgehên Sûrîyê di navçeyên hilbijartinê de hatin kirin, bi şertê ku paşê demek ji bo dengdanê li hin deverên parêzgehên Reqa û Hesekê (Til Ebyed û Serê Kanîyê) were destnîşankirin. Di heman demê de kursîyên navçeyên mayî dê li her du parêzgehan vala bimînin, ji bilî tevahîya navçeyên Parêzgeha Siwêdayê heta ku şert û mercên guncaw lê peyda bibin.
