Şam-SANA
Sekreterê Giştî yê Serokatiya Komarê Mahir El-Şara, civînek bi amadebûna Wezîrê Aborî û Pîşesaziyê Nîdal El-Şe’ar, Wezîrê Veguhestinê Ya’rub Bedir û Rêvebirê Derwazên Bejayî û Deryayî Quteyba Bedewî li dar xist, ji bo rawestana li ser pirsgirêkên sektora veguhastina bejayî li Sûriyê û çareserkirina wan.
Beşdaran behsa awayên çareserkirina pirsgirêkên teknîkî û rêxistinî yên ku rê li ber xebitandina zêdetirî 40,000 kamyonan digirin kirin, di nav de hejmareke mezin ji kamyonên xirabbûyî. Û tekezî li ser pêdivîya dîtina çareseriyên lezgîn kirin ji bo baştirkirina şert û mercên xebitandina wan, ji ber ku ew jêdera dahata jiyana bi hezarên malbatan in.
Di civînê de pêşniyarên ji bo pêşxistina sektorê hatin gengeşekirin, bi taybetî aktîvkirina platformeke elektronîk ji bo rêkxistinkirina tevgara kamyonan, her weha danîna sîstema derbasbûna kamyonan bi rêya derwazên sînorî ji bo hêsankirina danîna baran û birêveçûna kar.
Beşdaran her wiha behsa başkirina şert û mercên jîngeha xebatê û mûçeyên ajokarên kamyonan, bi awayê ku debara jiyana wan aram bike, kirin.
