Şam-SANA
Pêşangeha Navneteweyî ya Şamê ya 62yemîn bû şahidê beşdarîyeke bêhempa ya ji seranserê parêzgehên Sûriyeyê. Hejmara mêvanan di sê rojên pêşîn de ji 440 hezarî derbas kir ku statuya pêşangehê wekî bûyerek aborî û çandî li ser asta neteweyî û herêmî piştrast dike.
Mihemed Hemzeyê Rêveberê Giştî yê Saziya Sûrî, di daxuyaniyeke xwe ya ku ji peyamnêrê SANAyê re da de derbarê Pêşangeha Navneteweyî ya Şamê ya 62yemîn de îfade kir ku beşdarbûna mezin li ser hemî sektorên mîna pîşesaziyê, xwarin, avakirin û enerjiyê, ji bilî pavîlyonên ku ji bo zarokan hatine veqetandin, bû. Wî tekez kir ku pêşangeh ji bo veberhêner û karsazan derfetên berfireh peyda dike da ku hilberên şîrket û fîrmayên neteweyî bibînin û peyman, memorandûmên têgihîştinê û veberhênanên nû çêbikin.
Hemzayê Rêveberê Giştî destnîşan kir ku li kêleka pêşangehê ji bilî wergirtina daxwazên îtxalkirinê ji bazirgan û pîşesazên ji Sûriyeyê hejmarek memorandûmên têgihîştinê û peymanan îmze kirine. Wî tekez kir ku armanca sereke ya pêşangehê bilindkirina asta hinardekirinê û piştgiriya rasterast a îqtîsad û aboriya pîşesaziya herêmî ye.
Hamza di berdewama daxuyanîya xwe de destnîşan kir ku di rojên pêş de, ji bilî berdewamiya çalakiyên çandî û hunerî, dê bûyerên girîng ên aborî û îqtîsadî bi beşdariya wezaretan cuda, digel hebûna şandeyên navneteweyî, werin tertîpkirin. Wî rave kir ku hemû çalakî rojane têne şopandin da ku serkeftin û berdewamiya pêşangehê misoger bibe.
Hamzayê ku rave kir pêşangeh di nav kêmtirîn sê mehan de pêk hat di berdewama axavtina xwe de wiha got, pêşangeh ji hêla kadroyên neteweyî yên pispor û profesyonel ve hatiye organîzekirin, bi tevahî hewldanên saziyên dewletê ji bo misogerkirina serkeftina wê di warê rêxistin, binesaziyê, paqijiyê, qadên kesk û çalakiyên pêvek de hatine bikaranîn.
Hamza di dawîya daxuyanîya xwe de rave kir ku amarên rojane yên pêşangehê têne nûvekirin û di dawiya pêşangehê de dê raporeke berfireh li ser hemû daxwazên hinardekirin û hawirdekirinê, veberhênan û memorandumên ku di navbera veberhênerên herêmî û navneteweyî de hatine îmzekirin were amadekirin.
