Enqere-SANA
Tirkîye pejirandina bernameyeke seranserî ji bo plankirina erkên esmanî di çarçoveya projeya “Ozgur”ê de bi dawî kir. Armanca vê projeyê nûjenkirina firokeyên şer ên “F-16” bi sîstemên xwecihî û dirêjkirina temenê wan ê karkirinê ye.
Ajansa Anadoluyê dîyar kir ku kompanya “HAVELSAN” a Tirkîyê, ku di warê bernamesazî û sîstemên parastinê de pispor e, bernameya “Plankirina di asta fîloyê de” ku bi kurtî wekî (FSGP) tê naskirin, pêş xistiye.
Kar li ser vê bernameyê di sala 2003an de dest pê kiribû û di sala 2007an de ketibû xizmeta çalak di nav rêzên Hêzên Esmanî yên Tirkîyê. Ev bername di amadekirina cûreyên cuda yên erkên esmanî de tê bikaranîn, çi ji bo firokeyên şer bin, çi yên rahênanê, veguhastinê yan jî firokeyên hişyarîya pêşwext (AWACS).
