Qudsa Dagîrkirî-SANA
Hejmara qurbanîyên êrîşkarîya Îsraîlî li ser Xezeyê ji heftê Cotmeha 2023an ve, bilind bû bo 72,267 kuştîyan û 171,976 birîndaran.
Wezareta Tenduristîyê ya Filistînê di daxuyanîyeke xwe de îro Pêncşemê ragihand, ku du kuştî yek ji wan ji ber birînên xwe canê xwe ji dest dabû, û 17 birîndar gihîştine nexweşxaneyên Xezeyê di nava 24 saetên borî de, û bal kişand ser hejmarek qurbanîyên ku hîn di bin kavilan de û li ser rêyan in, di demekê de ku tîmên ambûlansê û berevanîya sivîl nikarin xwe bigihînin wan ji ber rewşên meydanî yên zehmet û kêmasîya derfetan.
Her weha hejmara giştî ya kuştîyan ji dema rawestandina şer di 10ê Cotmeha borî de gihîştiye 691 kuştî, û 1,876 birîndaran, di heman demê de 756 termên din ji deverên cuda hatin derxistin.
