Madrîd-SANA
Spanyayê ragihand ku ew bi nîyet e alîkarîyên mirovî bo Kubayê bi rêya sazîya Neteweyên Yekbûyî bişîne. Di dema ku krîzeke aborî ya giran li Kubayê heye, ji ber ku ew di bin dorpêça Amerîkayê de ye û petrola ku jê re tê pir kêm bûye.
Wezareta Karên Derve ya Spanyayê, piştî civîna wezîrê wê José Manuel Albares bi hevpîşeyê xwe yê Kubayî Bruno Rodríguez re li Medrîdê, dîyar kir dê xwarin û madeyên tenduristîyê yên bingehîn di nav wan alîkarîyan de hebin .
Her du wezîran di hevdîtinê de tekezî li ser xurtkirina dîyaloga sîyasî, aborî-bazirganî û hevkarîya navbera her du welatan de kirin. Her wiha wan binpêkirinên Amerîkayê yên li dijî aştî û qanûnên navneteweyî şermezar kirin.
Ji alîyê xwe ve, Komîserîya Bilind a Mafên Mirovan a Neteweyên Yekbûyî, nîgeranîya xwe derbarê xirabûna rewşa civakî û aborî di dema krîza sotemenîyê ya ku her diçe giran dibe, nîşan da.
