Moskow-SANA
Medvedev ji “Reuters”ê re tekez kir ku welatê wî li pey pevçûneke cîhanî nîne û nexwestiye bikeve şerê Ukraynayê, lê belê berfirehbûna “NATO”yê ber bi rojhilat ve ew neçarî vê yekê kiriye.
Medvedev dîyar kir ku serokatîya Rûsyayê gelek caran bang li Rojava kiriye ku rêzê li berjewendîyên wê bigirin, berfirehbûna “NATO”yê û endamtîya Ukraynayê rawestînin û serî li danûstandinan bidin, lê bê bersiv ma. Her wiha hişyarî da ku metrsîya derketina şerekî cîhanî gelekî zêde bûye û kêm nabe.
Medvedev wiha hesab kir ku îdîayên derbarê gefa Rûsya û Çînê li ser Grînlendayê tenê “tirsandinek” e û bingeha wan nîne, û tekez kir ku rewşa giravê êdî wekî dijwarîyeke rastîn ji bo peymana “NATO”yê ye.
Medvedev ragihand ku Rûsya li pey pevçûneke cîhanî nîne, û berfirehbûna “NATO”yê ew neçarî karê leşkerî li Ukraynayê kir ku ji sala 2022an ve berdewam e; ev yek hevdemî çaverêkirina cîhanî ji bo danûstandinên “Ebû Zebî” yên sêalî ku ji bo bidawîkirina şer bi rê ve diçin, tê.
