New York-SANA
Sekreterê Giştî yê Neteweyên Yekbûyî Antonio Guterres, bang li rayedarên Îranê kir ku di asta herî bilind de xwe ragirin û ji bikaranîna hêzê li dijî xwepêşanderên li welat dûr bikevin.
Sekreterê Giştî yê Neteweyên Yekbûyî (bi rêya peyvdar Stephane Dujarric) matmayîna xwe li hemberî raporên tundûtûjî û hêza zêde ya ku rayedarên Îranê li dijî xwepêşanderan bi kar anîne nîşan da, ku di encamê de bi dehan kuştî û birîndar ketin, û daxwaza vegerandina pêwendîyan û misogerkirina gihîştina agahîyan kir.
Bajarên mezin ên Îranê dibin şahidê xwepêşandanên girseyî yên li dijî hikûmetê, tevî berdewamîya kempeyna serkutkirina xwepêşandanan ku rayedar dimeşînin, li gorî nûçeya ku ajansa nûçeyan a çalakvanên mafên mirovan a Îranê “HRANA” belav kiriye.
Ajansê berîya niha ragihandibû ku hejmara kuştîyên di xwepêşandanên ku nêzîkî du hefte ne li welat berdewam dikin, gihîştiye herî kêm 538 kesan.
