Toşkend-SANA
Ozbekistanê dergehê xwe yê sînorî yê yekane bi Efxanistanê re bi tevahî ji nû ve vekir, piştî ku ji sala 2021an ve li ber xelkê hatibû girtin.
France-Presse ji Odeya Bazirganî û Pîşesazîyê ya Ozbekî veguhest ku duh gotiye: “Dergehê li ser pira Termîz-Hîratûnê ya ku Ozbekistan û Efxanistanê bi hev ve girêdide, careke din vekirî ye, û rêwî êdî dikarin rasterast û bi ewle di navbera her du welatan de bigerin”, û destnîşan kir ku jinûvevekirina dergeh dê karên kompanîyên hinardekar pir hêsan bike.
Girtina dergehê sînorî xelk neçar kirin ku rêyeke din hilbijêrin ku rojek bi tevahî derbas dibû di Tacîkistanê re da ku bigihîjin bajarê mezin ê Efxanistanê, Mezar Şerîf, ku tenê 75 kîlometreyan dûrî sînorê Ozbekistanê ye.
Her çende ku dergehê sînorî ji Tebaxa 2021an de li ber xelkê girtî bû jî, hîn destûr dihat dayîn ku hinek ji kelûpelan di navbera her du welatan de derbas bibin.
