Japonyayê welatîyên xwe yên li Çînê hişyar kirin, ji ber zêdebûna alozîya di nav wan û Çînê de, piştî daxuyanîyên Serokwezîra wan Sanae Takaichi yên derbarê Taywanê de
Balyozxaneya Japonyayê li Pekînê, di daxuyanîyekê de got: ″Divê welatîyên me derbarê tiştên ku li derdora wan rû didin hişyar bin, ji deverên qerebalix an jî yên ku hejmareke mezin ji Japonîyan diçinê dûr bikevin″.
Berdevkê hikûmeta Japonyayê Minoru Kihara got ku ev hişyarî li gor nirxandineke berfireh a rewşa sîyasî, ewlehî û civakî ye.
Di heman demê de, Wezareta Perwerdeyê ya Çînê, hişyarî da xwendekarên Çînî yên ku niha li Japonyayê ne yan jî dixwazin ku li wir bixwînin, û ji wan xwest ku di vê dema ku alozî di nav Pekîn û Tokyoyê de zêde bûne, metirsîyan li ber çavan bigrin û tedbîrên pêwîst bistînin.
Ev yek piştî daxuyanîya Takaichi tê ku tê de gotibû: Heye ku êrîşên çekdarî yên Çînê li ser Taywanê bibin sedema şandina leşkerên Japonyayê ji bo piştgirîya Taywanê bikin di çarçoveya ″berevanîya di ber hev de″, û ev gotina wê hiştibû ku Çîn hêrs bibe, ji ber ku ew Taywanê wek beşekî ji axa xwe dibîne.
