Seûl-SANA
Serokê Amerîkî Donald Trump û Serokê Çînî Xi Jinping ragihandin ku ew li ser komek mijarên aborî û bazirganî yên nakokîdar gihîştine lihevhatinan, ev yek di dema lûtkeya ku duh serê sibê li Koreya Başûr pêk hat, li kêleka lûtkeya Forûma Hevkarîya Aborî ya Welatên Asya û Pasîfîkê (APEC)ê.
Trump: Civîna bi Xi re serkeftineke mezin e
Ajansa Frans Pressê ji ser zarê Trump ragihand ku wî li ser platforma xwe ya Truth Socialê gotiye: “Çînê pejirandiye ku dest bi pêvajoya kirîna enerjîya Amerîkî bike, û tê çaverêkirin ku peymaneke mezin ji bo kirîna neft û gazê ji Alaskayê were îmzekirin.”
Trump dîyar kir ku “civîna wî bi Xi re serkeftineke mezin bû” û wî û Serokê Çînî “gelek tişt bi cih anîne”, û got: “Nakokîya di navbera Çîn û Amerîkayê de hatiye çareserkirin.”
Xi: Me bi Amerîkayê re li ser mijarên bazirganî li hev kir
Ji alîyê xwe ve, Serokê Çînî Xi Jinping jî tekez kir ku welatê wî bi Amerîkayê re li ser mijarên bazirganî û aborî lihevkirin pêk anîye.
Xi bang li tîmên têkildar ên her du welatan kir ku karên şopandina lihevhatinan di zûtirîn dem de bi dawî bikin û lihevhatinê biparêzin û bi cih bînin û encamên berbiçav pêşkêş bikin da ku rewşa têkildarî aborîyên Çîn, Amerîka û cîhanê aram bikin.
