Riyad-SANA
Hat ragihandin ji teref Civata Giştî ya Neteweyên Yekbûyî ve derbarê çareserîya du dewletî de qerarek hat standin ku ji ber vê qeraraê TeşkîlataHevkariya Îslamî kêfxweşîyên xwe îfade kir.
Li gorî agahîyên ku hatine wergirtin TeşkîlataHevkariya Îslamî (OIC) biryara dîrokî ya Civata Giştî ya Neteweyên Yekbûyî ya ji bo pejirandina Danezana New Yorkê û pêvekên wê yên ku ji hêla Konferansa Navneteweyî ya ji bo Çareserkirina Aştiyane ya Pirsa Filistînê û Bicîhanîna Çareseriya Du Dewletan ve hatine weşandin, bi memnûnîyet pêşwazî kir. Ev biryar lihevkirinek navneteweyî û pabendbûnek ji bo xebata ji bo avakirina dewletek Filistînê, bidawîanîna dagirkeriya Îsraîlê û bidestxistina aştiyek dadperwer û berfireh li herêmê pêk tîne.
Derbarê mijarê de li ser malpera Ajansa Nûçeyan a Filistînê (WAFA) ve daxuyanîyek hatî weşandin. Li gorî daxuyanîya ku hat weşandin TeşkîlataHevkariya Îslamî rola pêşeng a ku ji hêla Qraltîya Erebistana Siûdî û Fransayê ve di serokatiya konferansê de hatiye lîstin, û hewldanên wan ên bêwestan û hevbeş di seferberkirina piştgiriyê de ji bo pejirandin û nivîsandina belgeya dawîn bi şêwirmendiya serokên komên xebatê, teqdîr kir. TeşkîlataHevkariya Îslamî her weha spasiya hemî welatên ku hev-sponsorê vê biryarê bûn û ji bo pejirandina wê ji hêla Civata Giştî ve deng dan, ku piştgiriya wan ji bo aştî, edalet û rewatiya navneteweyî temsîl dike.
Li gorî daxuyanîyê Rêxistinê bang li hemû dewletan kir da ku mesûlîyetên xwe bigirin ser xwe û tavilê tedbîrên ku di Danezana New Yorkê de hene bicîh bînin. Di nav van mesûlîyetan de naskirina tevahî ya Dewleta Filistînê, piştgiriya endametiya wê ya tevahî di Neteweyên Yekbûyî, û zexta li ser Îsraîlê da ku sûcên dagirkirin, êrîşkarî, bicihbûn, koçberkirin, wêrankirin û birçîbûna li dijî gelê Filistînê hene.
Li gorî agahîyên ku hatine wergirtin rêxistinê pabendbûna xwe ya ji bo xebat û hevkariya bi hemû aliyên navneteweyî re ji bo misogerkirina pêkanîna vê danezanê nû kir, da ku gelê Filistînê bikaribe mafên xwe yên neguhêrbar bi dest bixe ku di nav wan de mafê xwe yê diyarkirina çarenûsê û avakirina dewletek serbixwe li ser sînorên 4ê Hezîrana 1967an, bi paytexta Qudsê heye.
Meclîsa Giştî ya Neteweyên Yekbûyî doh bi piraniya dengan Danezana New Yorkê ya li ser çareserkirina aştiyane ya meseleya Filistînê û pêkanîna çareseriya du dewletî li gorî gavên berbiçav û demkî qebûl kir.
Sekreterê Giştî yê Lîga Dewletên Erebî, Ehmed Ebûl Xeyt, ji ber ku bi zêdebûna dengan a Civata Giştî ya Neteweyên Yekbûyî ya pêşnûmebiryarek hat dayîn kêfxweşîyên xwe anî ziman ku Meclîsa Giştî, Deklarasyona New Yorkê ya Tîrmeha borî ya derbarê pêkanîna çareseriya du dewletan û avakirina dewletek serbixwe ya Filistînî de qebûl kiribû.
Li gorî agahîyên ku di malpera Ajansa Nûçeyan a WAFAyê de hatine weşandin Sekreterê Giştî derbarê mijarê de gotîye ku dengdana pir zêde ya ji bo biryarnameyê lihevkirinek navneteweyî ya zêdebûyî li ser pêwîstiya pêkanîna çareseriya du dewletî nîşan dide, û îfade kir ku welatên ku dengê xwe nedane li alîyê xelet a dîrokê qerar dane.
Ebûl Xeyt jî derbarê mijarê de got ku pejirandina vê qerarnameyê ji hêla Civata Giştî ve encamên konferansa pêkanîna çareseriya du dewletî xurt dike û momentuma gerdûnî li dora wê zêde dike, her wisa nemaze di ronahiya niyeta hejmarek welatan de ku di rojên pêş de dewleta Filistînî nas bikin, ku bi konferansa asta lûtkeyê ya 22ê Îlonê re hevdem e.
