Madrîd-SANA
Serokwezîrê Îspanyayê Pedro Sánchez, îro, ragihand ku li welatê xwe gelek tedbîr dane pêkanîn, yek ji wan jî -wek hewlêstekê li hember “Komkujîya Xezayê”- qexeya daîmî ya kirîn û firotina çekan ji Îsralîlê.
Her weha Ajansa Nûçeyan a Îspanyayê (EFE), axaftina Sánchez a îro li Qesra Moncloayê der barê tedbîrên nû yên hikûmeta Îspanyayê de ku dê ji ber Îsraîlê bistîne, veguhast: “Tedbîra herî pêşîn, biryarnameya padîşahî bi lez were pejirandin, ku qanûneke qedexekirina çekan li ser Îsraîlê bû, ya ku ji Cotmeha 2023an ve hatibû danîn.”
Qedexeyeke yasayî û daîmî ya Îspanyayê bo kirîn û firotina çekan ji Îsraîlê
Sánchez rave kir ku “Ev fermana padîşahî dê qedexeyeke yasayî û daîmî bo kirîn û firotina çek, cebilxane û alavên leşkerî ji Îsraîlê re saz bike.”
Serokwezîrê Îspanyayê zêde kir: “Hemû kesên ku rasterast beşdarî “komkujî”, binpêkirina mafên mirovan, sûcên şer ên li Xezeyê bûne, dê ketina nav axa Îspanyayê li ber wan were qedexekirin.”
Her weha, Sánchez dîyar kir ku welatê wî dê rê li ber hemû balafirên hikûmî yên welatên din bigire yên ku berê wan li Îsraîlê ye û barê wan alavên leşkerî ne, ne tenê ew, belkû bender jî li ber hemî keştîyan ku sotemenîyê jê re hildigirin tên girtin.
Qedexeya hawirdekirina kelûpelên Îsraîlî
Li gorî Sánchez, bi armanca li dijî derketina li dagîrkerîyê û rawestandina koçberkirina kotek a xelkên Filisîtînê û veqetandina her du dewletan, dê hawirdekirina kelûpelên Îsraîlî jî were rawestandin.
Ji bo bicihanîna vê armancê, xizmetguzarîyên balyozaxaneyan bo Îsraîlîyên ku li Îsraîlê dimînin, werin sînordarkirin û di asta herî nizm de werin pêşkêşkirin.
Piştgirîya Desthilata Filistînî
Li gorî tedbîrên nû, dê pişgirîya Desthilata Filistînî bi zêdekirina hejmara çekdaran di Şanda Yekîtîya Ewropî de were zêdekirin da ku alîkarî li ser sînorê Refehê were pêkêşkirin. Her weha avakirina projeyên nû bi hevkarîya ligel Desthilata Filistînî, di warê çandinî, ewlehîya xwarinê û alîkarîya bijîşkî de.
Her weha Sánchez ragihand ku dê beşdarîya Îspanyayê bo UNRWAyê 10 milyonên din jî lê zêde bike, û dê alîkarîya mirovî ya bo Xezeyê heta sala 2026an bigihîne 150 milyon euroyî.
Hêjayî gotinê ye ku Pedro Sánchez, yekem rêberê Ewropî bûye ku piştrast kiriye ku Îsraîlê li Xezeyê komkujî pêk anîye. Her weha berê rexneya bersiva Yekîtîya Ewropî ya li hember şer kiribû û gotibû ku ew têkçûyî ye û li ber e ku bawerîya yekîtîya cîhanî ji dest bide.
