Qudsa Dagirkirî-SANA
Wezareta Perwerde û Xwendina Bilind a Filistînê eşkere kir ku ji 7ê Cotmeha sala 2023yan vir ve di êrîşên rejîma dagirker ê Îsraîl de heta niha li Xezzeyê 18 hezar û 651 xwendekar hatine şehîdkirin û 29 hezar û 114 xwendekar jî birîndar bûne.
Di daxuyaniya ku ji hêla Ajansa Nûçeyan a Filistînê (WAFA) ve hat weşandin de Wezaretê rave kir ku hejmara xwendekarên ku li Şerîda Xezzeyê ji destpêka şer ve hatine şehîdkirin gihîştiye zêdetirî 18 hezar û 508an û yên ku birîndar bûne jî gihîştiye 28 hezar 142an. Di berdewama daxuyanîyê de hat diyarkirin di heman demê de, li Şerîda Rojava jî 143 xwendekar hatine şehîdkirin û 972 xwendekar jî birîndar bûne, ji bilî 792 kesên ku hatine girtin.
Wezaretê derbarê mamoste û îdarevanên ku hatine şehîdkirin de jî diyar kir ku 972 mamoste û rêvebir li Şerîda Xezzeyê û Şerîda Rojava hatine şehîdkirin û 4 hezar 538 jî birîndar bûne, di heman demê de zêdetirî 199 kes jî li Şerîda Rojava hatine girtin.
Wezaretê derbarê avahîyên perwerdehîyê yên ku ji teref rejîma dagirker ve hatine hilweşandin de jî destnîşan kir ku 172 dibistanên hikûmetê li Şerîda Xezzeyê, ji bilî 63 avahiyên zanîngehê, bi tevahî hatine wêrankirin. Herwiha, 218 dibistan, di nav de 100 dibistanên ku ji hêla Ajansa Alîkarî û Kar a Neteweyên Yekbûyî ji bo Penaberên Filistînî (UNRWA) ve têne birêvebirin, hatin bombebarankirin û hilweşandin.
Li gorî agahîyên ku hatine wergirtin li Şerîaya Rojava, 152 dibistan hatin hilweşandin û heşt zanîngeh û kolej rastî serdegirtin û vandalîzmên dubare hatin. Sala xwendinê jî ji ber krîza îqtîsadî ya ji ber dorpêça ya ku ji hêla dagirkeriyê ve li ser Şerîaya Rojava hatiye ferzkirin, hate taloqkirin.
