Şam-SANA
Şer û tawanên rejîma berê bandoreke derûnî ya mezin li ser Sûrîyan hiştiye, bi taybetî li wan deverên ku bûyerên trajîk lê rû dane. Ev yek pêdivîya belavkirina çanda dermankirina derûnî û xurtkirina xizmetên piştgirîya derûnî derdixe pêş.
Rêveberê Rêveberîya Tenduristîya Derûnî di Wezareta Tenduristîyê de, Wail El-Ras, dîyar kir ku fişarên demdirêj bi awayekî xuya bandor li tenduristîya derûnî kiriye. Got jî ku hin nexweşîyên derûnî belav bûne, wekî Nexweşîya Stresa Piştî Travmayê PTSD, depresyon, fikar û pirsgirêkên xewê.
Her wiha wî hişyarî da li ser ku hinek adetên ku van nexweşîyan zêdetir dikin hene, wekî vegirtina xwe ji xelkê, şîyarmana bi şevê, şopandina zêde ya nûçeyên neyînî û bikaranîna dermanên ku derûnê aram dikin bêyî şêwirmendîya bijîşkî. Tekez jî kir ku saxbûna ji nexweşîyê bi rêya şêwazekî jîyanê yê tendurist û daxwaza alîkarîyê di demeke zû de pêkan e.
