Dera-SANA
Tîma endezyarîyê ya ser bi Wezareta Parastinê ve li parêzgeha Derayê, îro Pêncşemê, guleyek ji bermayîyên şer ku di dîwarê malekê de asê mabû, li gorî rêkarên teknîkî yên pejirandî bêbandor kir, bêyî ku ti kes birîndar bibe an zirarên madî çêbibin.
Mehmûd El-Seʼdî ku yek ji efserên Firqeya 40î ye, di daxuyanîyekê de ji bo SANAyê, dîyar kir ku fewca endezyarîyê piştî wergirtina gilîyê welatîyekî li Dera El-Beled, berê xwe da cihê guleya ku ji cureyê B9 bû û ji dîwar derxist.
El-Seʼdî tekez kir ku tîmên endezyarîyê her demê amade ne ji bo bersiva agahdarîyên welatîyan bidin û serederîyê bi bermayîyên şer û cebilxaneyên neteqîyayî re bikin, bi awayekî ku beşdarîyê di parastina sivîlan û ewlekirina deverên niştecîbûnê de bike.
Ji alîyê xwe ve, Ehmed El-Mesrî pesnê bizavên Wezareta Parastinê û endamên tîma endezyarîyê û lezgînîya bersivdanê û serederîya wan a berpirsane bi guleya ku li mala xwe piştî vegera ji Urdunê dîtibû, da.
Tîmên endezyarîyê li parêzgeha Dera berdewam in di cîbecîkirina karên lêgerîna meydanî û bersivdana agahdarîyan li deverên cuda cuda, di çarçoveya hewldanên wan ên ji bo xurtkirina ewlehîya giştî û parastina welatîyan û mal û milkên wan ji metirsîyên cebilxaneyên neteqîyayî de.
