Dera-SANA
Rêveberîya Têkoşîna Dijî Madeyên Hişbir yek ji belavkerên herî dîyar ên madeyên hişbir li bajarokê Nesîbê li parêzgeha Derayê girt û dest danî ser tibabên hebên hişbir, çek û cebilxaneyan ku pê re bûn.
Rêveberîyê îro Înê bi rêya kanala xwe ya Telegramê dîyar kir ku ev operasyon piştî lêkolîn û çavdêrîya tevgera kesê bi navê (N.F.) pêk hat ku di dîyarkirina cihê wî da bûn alîkar; li wir hêzeke ewlehîyê bi ser de girt, û di encamê de dema ku madeyên hişbir û çek di dest de bûn, hat girtin.
Rêveberîyê zelal kir ku madeyên ku hatine desteserkirin ev in: 15960 hebên keptagonê û 5560 hebên dermanên hişbir, ligel çekên navîn û cebilxaneyan.
Her wiha bal kişand ser wê yekê ku kesê girtî ji bo temamkirina lêpirsînan û wergirtina rêkarên yasayî yên pêwîst derheqê wî de, radestî alîyên peywendîdar hatiye kirin.
