Gundewarê Şamê-SANA
Rêveberîya Têkoşîna Dijî Madeyên Hişbir, bi hevahengîya ligel Fermandarîya Ewlehîya Hundirîn li Gundewarê Şamê, hewldana qaçaxçîtîya barekî mezin ê madeyên hişbir ê ku ji axa Libnanê ber bi zevîyên Nebekê ve dihat, pûç kir, ev yek jî piştî operasyonên çavdêrî û şopandina ewlehîyê ya hûrbîn pêk hat.
Rêveberîya Têkoşîna Dijî Madeyên Hişbir bi rêya rûpelên xwe yên fermî dîyar kir ku di encama operasyonê de kesekî têkildar hat girtin û dest bi ser 832 hezar hebên keptagonê de hat girtin.
Her wiha bal kişand ser wê yekê ku doznameya pêwîst hat amadekirin, û kesê girtî ligel tiştên desteserkirî radestî dadgeha peywendîdar hat kirin ji bo temamkirina karûbarên yasayî yên pêwîst derheqê wî de.
