Reqa-SANA
Rêveberê Banka Navendî ya Sûrîyê Sefwet Reslan, îro Pêncşemê, şaxê Banka Navendî ya Sûrîyê li parêzgeha Reqayê, piştî ku ji sala 2013an ve rawestîyabû, vekir. Ev yek jî bi amadebûna Parêzgar Ebdulrehman Selame pêk hat.
Rêveberê şaxê bankê Dr. Mihemed Seîd El-’Ebû di daxuyanîyekê de ji nûçegihanê SANAyê re dîyar kir ku jinûvevekirina şaxê bankê gaveke girîng e di piştgirîkirina tevgera aborî û veberhênanê de li parêzgehê, û bal kişand ser wê yekê ku rawestandina bankê di salên borî de bûye sedema zehmetîyên mezin ji bo welatî û bazirganan di qedandina miameleyên wan ên darayî de.
El-’Ebû destnîşan kir ku şaxê bankê dê komek xizmetguzarîyên darayî û bankî pêşkêş bike, ku di nav wan de guhertina dirav heye, her wiha serfkirina fatûreyên genim, bi rengekî ku beşdarî hêsankirina rêkarên darayî û sivikkirina barê li ser milê welatî û cotkaran bibe.
