Laziqîyê-SANA
Fermandarîya Ewlekarîya Navxweyî li Parêzgeha Laziqîyê, sûcdar Wîsam Secî’ Osman, rêveberê nivîsgeha tawankar Yesar El-Esed girt, ew jî ji ber ku destê wî di pêkanîna binpêkirin û tawanên ku sivîlên bêçek li Perava Sûrîyê dikirin armanc de heye. Ji bilî wê jî, navborî destê wî di birêvebirina operasyonên leşkerkirinê û dabînkirina piştgirîya darayî û leşkerî de hebû di dema rûdanên ku li herêma Peravê di Adara 2025an de qewimîn, ku ev yek bi piştgirî û rênimayîyên Yesar El-Esed pêk dihat.
Fermandarîya Ewlekarîya Navxweyî li Laziqîyê ji SANAyê re dîyar kir ku proseya girtina tawankar Wîsam di encama operasyoneke ewlehîyê ya taybet de hat ku xwe dispêre rêze-şopandin û çavdêrîkirina hûr a liv û tevgerên wî, û bû sedema girtina wî ya yekser piştî derbasbûna wî bo nav axa Sûrîyê di demekê de ku xwe ji çavan vedişart û hewl dida ji destê dadperwerîyê bireve, ku li devera Qerdahayê hat girtin.
Tawanbar radestî alîyên dadwerî yên peywendîdar hatiye kirin ji bo temamkirina lêkolînan û wergirtina hemû rêkarên qanûnî û dadwerî yên pêwîst derheqê wî de, li gorî rêgezên berkar.
