Şam – SANA
Wezareta Veguhastinê li Şamê komxebatek li dar xist ji bo gengeşekirina veberhênana bermahîyên esfaltê, bi sûdwergirtina ji tecrubeya Almanî di teknolojîyên jinûveçêkirinê de, da ku feydeyeke aborî û teknîkî ya ku piştgirîya projeyên rêyan û jinûveavakirina domdar li Sûrîyê dike, pêk bîne.
Sazîyên ji her du wezaretên Veguhastin û Karên Giştî û pispor endazyar Umer El-Suleyman di çalakîyekê de beşdar bûn ku tê de mekanîzmayên çareserkirina bermahîyên esfaltê û bikaranîna wan a teknîkî di têkel û parastinê de hatin gotûbêjkirin; bi mebesta kêmkirina lêçûnan û baştirkirina kalîteya cîbicîkirinê.
Wezîrê Veguhastinê Ye’rub Bedir tekezî li ser giringîya çareserîyên li ser erdê kir ji bo kêmkirina dem û lêçûna baştirkirina rêyên ne-serekî û çandinîyê, di heman demê de endazyar Umer El-Suleyman amaje bi egera cîbicîkirina teknolojîyên Almanî li Sûrîyê kir ku xwe dispêrin veguhestina kavilan yan yekalîkirina pêşketî ji bo misogerkirina kalîteya rêyên navendî.
