Heleb-SANA
Di encama qezayeke trafîkê de li ser rêya navdewletî ya (Heleb-Şam) li nêzîkî pira Berqûmê li gundewarê Helebê yê başûr, zarokekî jîyana xwe ji dest da û 6 kesên din, ku di nav wan de zarokek û du jin hene, birîndar bûn.
Berevanîya Sivîl a Sûrîyê îro Înê li ser kanala xwe ya Telegramê dîyar kir ku tîmên wan li Rêveberîya Rewşên Awarte û Rêvebirina Karesatan li Helebê destwerdana rûdanê kirin. Tîman cenazeyê zarokê mirî û du mêrên birîndar veguhastin, di heman demê de welatîyan birîndarên din gihandin nexweşxaneyê ji bo wergirtina dermankirina pêwîst.
Tîmên Berevanîya Sivîl di 24 demjimêrên borî de destwerdana 6 bûyerên trafîkê li parêzgehên cuda kiribûn, ku di encama wan de 9 kes birîndar bûbûn.
