Idlib – SANA
Şênîyên “Xan Şêxûnê” salvegera nehemîn a komkujîya kîmyawî (4ê Nîsana 2017an) bi çalakîyeke gelêrî û fermî li cihê êrîşê bi bîr anîn. Wan tekez kir ku bîranîna 91 qurbanîyan “erkekî niştimanî” ye ji bo dîtina mafên rizgarbûyan û rêgirtina li ber berovajîkirina rastîyên derbarê êrîşa bi xaza sarînê.
Wezîrê Rewşên Awarte Raid El-Salih ji cihê bûyerê tekez kir ku xwîna bêgunehan winda nabe, û ragihand ku dosyaya çekên kîmyawî pêşîneyeke niştimanî ye.
Nûnerê Daîmî Îbrahîm Ulebî jî soz da ku daxwazên xelkê bigihîne Neteweyên Yekbûyî, ji bo pêkanîna dadwerîya tawanî û darizandina tawanbaran li ser asta navdewletî.
Parêzgarê Idlibê “Mihemed Ebdulrehman” destnîşan kir ku wefadarîya ji bo şehîdên kîmyawî bi avakirina “Sûrîya Azad” û jinûveavakirina wê dibe. Her wiha rizgarbûyan şahidîyên bi bandor pêşkêş kirin û bang li cîhanê kirin ku karesatê ji bîr nekin, ji bo çespandina prensîba serwerîya qanûnê û darizandina tawanbaran.
