Heseke-SANA
Wezîrê Tenduristîyê Mus’eb El-Elî, îro înê di dema gereke meydanî de li parêzgeha Hesekê, rewşa tenduristîyê li nexweşxaneya Şedadî li gundewarê başûrê parêzgehê kontrol kir.
El-Elî di daxuyanîyekê de ji nûçegihanê SANAyê re eşkere kir ku armanca vê gerê agahdarbûna ji rewşa tenduristîyê ya herêmê bi giştî ye; piştî kontrolkirina nexweşxaneya Şedadî, dê planeke zelal were danîn ji bo dabînkirina pêdivîyên bijîşkî yên pêwîst da ku xizmetên tenduristîyê li herêmê ji nû ve werin çalakkirin.
Wezîrê Tenduristîyê dîyar kir ku dê hinek birên pereyan ji bo piştgirîkirina sektora tenduristîyê û xizmetkirina parêzgeha Hesekê werin terxankirin. Wî tekez kir ku kar li ser bingehê hevahengî û hevkarîyê bi çendîn wezaretan re dimeşe, ligel hewldanên zêdekirina kadroyên mirovî û bicihkirina xizmetên bijîşkî li herêmê.
Ji alîyê xwe ve, Rêveberê Sazîyên Tenduristîyê di Wezareta Tenduristîyê de Nasir El-Cerd, di daxuyanîyeke wekhev de amaje bi wê yekê kir ku armanca vê gerê dîtina rastîya xizmetên tenduristîyê ye li parêzgehê.
