Hema-SANA
Parêzgarê Hemayê Ebdulrehman El-Sihyan tekez kir ku komkujîya 1982an a ku rejîma berê pêk anîye, rastîyeke e ku nayê veşartin an sextekirin, û destnîşan kir ku vîna bajêr li hemberî çewsandinê serî netewandiye û bîranîna wê di hiş de maye.
El-Sihyan li ser platforma (X)ê dîyar kir ku bîranîna komkujîya Hemayê ya 1982an ne ji bo xemgînîyê ye, lê belê ji bo teqezkirina rastîyeke ku rejîma Esed hewl da binax bike, û da zanîn ku hewla şikandina vîna bajêr bi riswakirina rejîmeke ku tenê kuştinê dizanibû, bi dawî bû.
El-Sihyan wiha berdewam kir: “Îro, piştî serkeftina Şoreşa Sûrîyê û rizgarkirina Hema û Sûrîyê, bîrewerî lê dide da ku îsbat bike ku xwîna şehîdan pûç neçûye, û rastî zindî dimîne çi qas dem biguhere jî”.
Bîranîna komkujîya Hemayê vedigere 2yê Sibata 1982an, dema ku hêzên rejîma berê bajar dorpêç kirin û 27 rojan derbasî hundir bûn; ku ev bû sedema bi deh hezaran qurbanî û windayan û wêrankirina taxên temam, wek bersivekê li dijî redkirina xelkê ji bo çewsandinê.
