Hesekê-SANA
Rêveberîya Giştî ya Bazirganîya Hundirîn û Parastina Xerîdar hejmarek ji keresteyên bingehîn ji firinan re li Parêzgeha Hesekê şand, di çarçoveya hewildanên xwe de ji bo misogerkirina berdewamîya xizmetguzarîyan û dabînkirina nan ji bo welatîyan re bê navber.
Wezareta Aborî û Pîşesazîyê di daxuyanîyekê de duh Şemîyê got: Ew keresteyên ku hatine şandin 367 ton ard, 20 hezar lître mazot, tonek hevîrtirş, tevî xwê û kîsên taybet ên dagirtinê li xwe digirin, bi awayekî ku berdewamîya karê firinan bi hemû şiyana wan û dabînkirina pêdivîyên xelkê misoger bike.
Her weha Rêveberîya Giştî ya Bazirganîya Hundirîn û Parastina Xerîdar berdewam e di şopandina rewşa firinan de li parêzgehê, û dabînkirina wan bi keresteyên pêwîst li gorî pêşîneyan, bi awayekî ku beşdarî xurtkirina rewşa berhemanîna nan û başkirina asta xizmetguzarîyên pêşkêşî welatîyan dibin dike.
