Heleb – SANA
Wezareta Karûbarên Civakî 64 navendên vehewandinê li Helebê vekirin, ji bo pêşwazîkirina 140 hezar koçberan (27.560 malbat) ên ji taxên Şêx Meqsûd, Eşrefîye û deverên cîran.
Wezareta Karûbarên Civakî karmendên xwe bi hevahengîya ligel alîyên peywendîdar amade kirin da ku stargeh û xizmetguzarîyên bingehîn ji bo 140 hezar koçberî di 64 navendên ku li Helebê vekirine de dabîn bikin.
Komîteya bersivdayîna Helebê planeke awarte cî bi cî kir ji bo dabînkirina derketina sivîlan û vehewandina 140 hezar koçberî di 64 navendên amadekirî yên bi xizmetguzarîyên bingehîn de.
Komîteyê bang li xelkê kir ku pabendî rênimayên alîyên peywendîdar bin, û bi rêya jimara 0930335391 têkilîyê deynin, da ku silametîya giştî û birêvebirina baş a bersivdayîna awarte were misogerkirin.
Artêşa Erebî ya Sûrî bersiva êrîşên rêxistina “HSD”ê ya ku ji taxên Şêx Meqsûd û Eşrefîyeyê ber bi xalên wê û sivîlan ve dihatin dayîn, bi hev re ligel hewildanên hikûmî ji bo derxistina xelkê û parastina silametîya wan, da.
Artêşa Sûrîyeyê xalên “HSD”ê yên li Şêx Meqsûd û Eşrefîyeyê wekî armancên leşkerî ragihandin wek bersivekê li ser gurkirina wê , û her du korîdorên “El-Ewarid” û “El-Zihûr” ji bo derxistina sivîlan vekirin.
Tevî ku rêxistinê sivîl û korîdorên mirovî bi fîşek û qezîfeyan dikirin armanc, bi deh hezaran kes karîn derkevin ber bi deverên ewle û navendên vehewandinê yên ku artêşê li Helebê amade kirine.
