Heleb-SANA
Dergehê bajarê Dêr Hafirê li gundewarê rojhilatê Helebê, bû şahidê hatineke berbiçav a xelkê ji bo amadekarîya vegera wan bo malên wan. Ev piştî wê yekê hat ku Artêşa Sûrîyê ewlehîya bajêr û derdora wê bi temamî dabîn kir û aramî lê bi cih kir, piştî vekişîna rêxistina HSDê û milîsên PKKê yên terorîst ji herêmê.
Her wiha rewşa şahîyê li bajarê Meskenê li gundewarê Helebê jî peyda bû. Xelkê dilxweşîya xwe bi hatina hêzên Artêşa Sûrîyê nîşan da û piştevanîya xwe ji bo hewldanên vegerandina ewlehî û aramîya li herêmê tekez kir.
Ji hêla xwe ve, Rêveberê Ewlehîya Navxweyî li bajarê Dêr Hafirê Ela Seqar ji ajansa SANAyê re ragihand ku hêzên ewlehîyê yekser piştî derbasbûna bajêr, dest bi cîbicîkirina planeke ewlehîyê ya berfireh kirin. Ev plan parastina sazîyên hikûmetê, dabînkirina ewlehîya bazaran û parastina aramîya giştî li xwe digire.
Alîyên peywendîdar karên xwe di rakirina bermahîyên şer, dabînkirina ewlehîya taxên niştecihbûnê û ji nû ve çalakkirina sazîyên xizmetguzarîyê de berdewam dikin, wek amadekarîyê ji bo vegera tevahî û ewle ya xelkê bo malên wan li gundewarê rojhilatê Helebê.
