Heleb-SANA
Tîmên Berevanîya Sivîl a Sûrî di Wezareta Rewşên Awarte û Birêvebirina Karesatan de ji bo roja duyem, alîkarîyê pêşkêş dikin û hejmarek malbat, kal û pîr û nexweşan vediguhêzin. Ev yek piştî ku hejmarek şênîyên herêmên Dêr Hafir û Meskenê li gundewarê rojhilatê Helebê, îro Înê, karîbûn ji deverên di bin kontrola rêxistina HSDê de derkevin.
Parastina Sivîl a Sûrî îro Înê bi rêya kanala xwe ya Telegramê dîyar kir ku şênî di dema derketinê de rûbirûyî zehmetîyên mezin bûn; ji ber ku rêxistina HSDê rê li ber wan girt ku di korîdora mirovî re derbas bibin, ku ji alîyê Desteya Operasyonan a Artêşa Erebî ya Sûrîyê hatibû ragihandin.
Her wiha nûçegihanê SANAyê ragihand ku rêxistina HSDê rê neda sivîlan ku di korîdora mirovî ya li gundê Himêmeyê re derkevin, û piştî gulebarana li nêzî gundê El-Hermil li herêma Dêr Hafirê li gundewarê rojhilatê Helebê, ew neçar kirin ku vegerin.
Desteya Operasyonan a Artêşa Erebî ya Sûrîyê ragihandibû ku dema korîdora mirovî ya ku ji bo derketina bi silametî ya şênîyan di gundê Himêmeyê re hatibû dîyarkirin, hatiye dirêjkirin; ji saet 09:00ê sibeha îro Înê heta saet 17:00ê êvarê.
