Heleb-SANA
Parêzgarê Helebê Ezam El-Xerîb kiryarên tawanbar ên ku rêxistina HSDê dijî sivîlên li rojhilatê Helebê pêk tîne bi tundî şermezar kirin. Ev kiryar tirsandin, tundûtûjî û rêgirtina li ber derbasbûna sivîlan di korîdora ewle re ku ji hêla Artêşa Erebî ya Sûrîyê ve li devera Dêr Hafirê hatibû ragihandin, li xwe digirin.
El-Xerîb îro Pêncşemê di daxuyanîyekê de dîyar kir ku endamên rêxistina HSDê gule berdan hewayê û derdora şênîyan, wekî hewldaneke eşkere ji bo rêgirtina li ber derketina wan. Parêzgar rêxistina HSDê bi temamî berpirsyara van binpêkirinan dît.
El-Xerîb tekez kir ku parêzgeha Helebê bi hemû rêyên berdest berdewam e di şopandina vê dosyayê de, ji bo parastina ewlehî û silametîya şênîyan û parastina mafên wan ên mirovî.
Desteya Operasyonan a Artêşa Erebî ya Sûrîyê îro vekirina korîdoreke mirovî ber bi bajarê Helebê ve bi rêya gundê Himême li ser rêya M15 ragihandibû. Hatibû dîyarkirin ku korîdor dê ji saet 9ê sibehê heta saet 5ê êvarê vekirî be ji bo ewlekirina derketina şênîyan ji herêmên rojhilatê Helebê.
